My Klient is op soek na ’n dinamiese en analitiese Junior Bedryfsingenieur om voortdurende verbetering binne hul pakhuis- en operasionele omgewing te dryf.
Die hoofdoel van die rol is om bestaande stelsels, prosesse en prosedures te analiseer en voortdurend te verbeter ten einde produktiwiteit, effektiwiteit, akkuraatheid en kostedoeltreffendheid te verhoog. ’n Belangrike fokus sal ook wees om AI, data en nuwe tegnologie prakties in die besigheid te integreer.
Sleutelverantwoordelikhede:
- Analiseer bestaande prosesse en identifiseer verbeteringsgeleenthede.
- Ontwikkel en implementeer verbeterde stelsels, prosedures en werksmetodes.
- Identifiseer bottelnekke, vermorsing en ondoeltreffendhede.
- Gebruik data en KPI’s om prestasie te meet en verbeterings te dryf.
- Identifiseer geleenthede vir outomatisering en digitalisering.
- Ondersoek en implementeer praktiese AI-oplossings vir data-analise, verslagdoening, administrasie en besluitneming.
- Werk nou saam met operasionele personeel om verbeterings op die pakhuisvloer te implementeer.
- Meet die impak en resultate van verbeteringsprojekte.
Vereistes:
- BIng in Bedryfsingenieurswese of toepaslike verwante kwalifikasie.
- Junior of onlangs gekwalifiseerde kandidate is welkom.
- Sterk analitiese en probleemoplossingsvaardighede.
- Goeie Excel- en algemene rekenaarvaardighede.
- Sterk belangstelling in tegnologie, data, AI en ‘continuous improvement’.
- Praktiese ingesteldheid en die vermoë om goed met mense te werk.
- Ervaring met Power BI, SQL, Python, Lean/Six Sigma, ERP/WMS of AI-hulpmiddelssal voordelig wees
Epos CV in WORD formaat: cvs@agricruitment.co.za